Sezoni i Real Madridit po i afrohet kulmit të tyre, por tashmë po lindin pikëpyetje për të ardhmen.
Ka pasur gjithashtu një diskutim të gjatë për pozicionin e Carlo Ancelottit në klub.
Sipas një raporti të gazetës gjermane “Bild”, Ancelotti duhet të paraqitet në gjykatë në Spanjë të mërkurën dhe të enjten. Ai dyshohet se nuk ka raportuar të ardhurat nga të drejtat e imazhit dhe burime të tjera të ardhurash tek autoritetet tatimore spanjolle gjatë viteve 2014 dhe 2015, përcjell Periskopi.
Kjo është një shumë prej më shumë se një milion euro. Nëse shpallet fajtor, ai përballet me një dënim me burg prej katër vjet e nëntë muajsh.
Italiani po tregon besim përpara gjyqit, të cilin ai e konfirmoi në një konferencë për shtyp para ndeshjes së Realit kundër Leganes:
“Është e vërtetë, unë do të paraqitem në gjykatë javën e ardhshme dhe do të jap shpjegimin tim. Nuk është vendi për të folur për këtë. Është një seancë apeli nga zyra e prokurorit të shtetit, sepse unë kam kaluar tashmë procesin e parë të akuzohem për mashtrim, por do të jem gati të dëshmoj”, shprehet Ancelotti.
Nëse kjo situatë shkon kundër Ancelottit, në Madrid, do të hapet një pozicion trajneri dhe dihet se dëshira e madhe e Florentino Perezit është për ish-lojtarin e Realit, Xabi Alonso. Spanjolli paraprakisht kishte paralajmëruar se do të qëndronte te Bayer Leverkusen, por sipas deklaratave të fundit duket se po i mban të hapura të gjitha opsionet.
Source: [Read more]
Shpërndaje në: